跌打扭傷、拗柴，
先分輕重，再處理沙田跌打・拗柴扭傷・正骨復位・跌打敷藥

先睇有冇骨折嘅警號：傷完完全行唔到四步、骨頭位置（例如腳踝內外兩邊骨突、腳掌外側中間）按落好痛、關節變形、麻痺或者皮膚變白變凍、腫得好快好痛——有任何一樣，先去急症室或者睇西醫照 X 光。排除咗骨折，一般扭傷可以搵註冊中醫師檢查，按傷勢用理筋手法、針灸、敷藥同中藥處理。

頭 48 小時以冰敷為主：每次 15 分鐘，隔一兩個鐘一次，配合適度包紮、抬高同休息。頭 48 小時唔好熱敷、唔好搽跌打酒推揉、唔好飲酒，會令出血同腫脹加劇。第 3 日起腫開始退，先轉用溫熱，例如溫水浸 10 至 15 分鐘。

敷幾耐、幾耐換，要睇傷勢同醫師開嘅藥，醫師敷藥時會交代幾時拆、幾時覆診，照醫囑做就得。敷住期間如果痕癢、起紅疹或者起水泡，請即刻拆走，並聯絡診所。

心宜三間分店都睇扭傷、撞傷同運動創傷：沙田分店喺乙明邨明信樓地下（沙田圍站 A 出口行約 3 分鐘，大圍坐屯馬綫兩個站就到）、馬鞍山分店喺欣安商場二期一樓、土瓜灣分店喺樂民新村。正骨復位、跌打手法同敷藥由指定醫師負責，邊日喺邊間以醫師更表為準，可以 WhatsApp 問姑娘最近應診日。

扭傷、撞傷可以約痛症首次體驗 $498，包診金、痛症檢查、針灸／推拿、儀器治療同 3 日中藥沖劑。單項跌打敷藥 $300。正骨復位、跌打手法要由指定醫師檢查後按情況安排，做之前醫師會講清楚收費。三間分店都收長者醫療券。

頭 48 小時唔好搽，亦唔好自己推揉，會令瘀腫更嚴重。之後用唔用外用藥、點用，由醫師按傷勢處方；自己亂搽亂推容易加重。

輕度一般一至兩個星期，中度三至六個星期，韌帶傷得嚴重就需要更耐。頭 48 小時處理得啱、之後跟住做恢復訓練，有助好得快啲，每個人都唔同。

有。反覆拗柴多數同關節唔穩、瘀滯未散有關，理筋手法、針灸加上肌力同平衡訓練仍然有幫助，效果因人而異。醫師會先檢查隻腳嘅穩定度，再建議做法。

急性扭傷建議盡快求診，免得瘀血積聚。網上預約會顯示最早有位嘅時段，亦可以 WhatsApp 問姑娘；如果有骨折警號（落唔到地、骨頭位置好痛、關節變形），請先去急症室。

傷完完全行唔到四步、骨頭位置按落明顯痛、關節變形、腫得好快，都要先照 X 光排除骨折。醫師檢查時覺得有需要，亦會建議你先去照；如果已經照咗 X 光或者 MRI，嚟睇嗰日請帶埋報告。